Qyzylordada 1400-den asa jasóspirim quqyq buzǵany úshin ustaldy

QYZYLORDA. KAZINFORM — Іshki ister mınıstrliginiń nusqaýyna sáıkes 1 qyrkúıek pen 1 jeltoqsan aralyǵynda respýblıka kóleminde «Ýchaske» jedel profılaktıkalyq is-sharasy ótip jatyr.

Іs-shara bastalǵaly qyzylordalyq polıtseıler 43,5 myńǵa jýyq páterdi, 122,5 myńnan astam jer úıdi aralap, tekserdi.

Jalǵa beriletin páter ıeleri arasynda profılaktıkalyq túsindirme jumysyn júrgizdi. Sondaı-aq shartty túrde merziminen buryn bosatylǵan, ákimshilik qadaǵalaý ornatylǵan, probatsııa esebindegi adamdar men qolaısyz otbasylardyń ózderi kórsetken mekenjaıda bar-joǵyn qadaǵalady. 

— Іshki ister organdarynda tirkelgen 10 myńǵa jýyq azamattyq qarý ıelerin tekserdik. Nátıjesinde qarýdy saqtaý nemese tasymaldaý erejelerin buzýdyń 103 deregi, azamattyq, qyzmettik, marapattyq, kollektsııalyq qarýdy tirkeý (qaıta tirkeý) ne ony esepke qoıý tártibin buzýdyń 59 deregi anyqtalyp, olarǵa qatysty tıisti ákimshilik hattamalar rásimdeldi. Tirkeýde joq 64 ańshy qarýy, 7 gazdy tapansha, 1 uńǵysyz travmatıkalyq tapansha jáne 1 ıir oıyqty qarý tárkilendi, — dedi oblystyq polıtsııa departamenti qoǵamdyq qaýipsizdik basqarmasynyń bastyǵy, polıtsııa polkovnıgi Erdáýlet Jaýkeev.

Іs-shara barysynda barlyǵy 45 myńǵa jýyq ákimshilik quqyqbuzýshylyq anyqtalyp, zań buzǵandarǵa ákimshilik shara taǵaıyndaldy. 1400-den astam kámeletke tolmaǵan quqyq buzǵany úshin ustalyp, onyń 63-i beıimdeý ortalyǵyna jatqyzyldy. 

Aıta keteıik, budan buryn qyzylordalyq júrgizýshi 20 jylda birde-bir ret jol erejesin buzbaǵany anyqtaldy.