«Qyzylorda – Pavlodar» trassasynda jeńil kólik aýdarylyp qaldy

ASTANA. KAZINFORM - 23 naýryz «Qyzylorda – Pavlodar» avtojolynyń 706 shaqyrymynda «Reno Daster» jeńil avtokóligi aýdarylyp qaldy, dep habarlaıdy QR Tótenshe jaǵdaılar mınıstrliginiń baspasóz qyzmeti.

Baspasóz qyzmetiniń málimetterine qaraǵanda, jol-kólik oqıǵasy ornynda Qaraǵandy oblysynyń Medıtsınalyq apattar ortalyǵynyń «Aqtóbek» TMQK shuǵyl áreket etý brıgadasy 3 zardap shekken azamatqa, onyń ishinde 1 balaǵa shuǵyl medıtsınalyq kómek kórsetti.

«Zardap shekkender Sátpaev qalasynyń turǵyndary, aýrýhanaǵa barýdan bas tartty. Jaǵdaılary qalypty»,-delingen habarlamada.