Qyzylorda oblysynda jyl basynan beri 200 órt oqıǵasy tirkeldi
QYZYLORDA. KAZINFORM – Qyzylorda oblysynda jyl basynan beri 200 órt oqıǵasy bolǵan. Bul týraly oblystyq tótenshe jaǵdaılar departamenti habarlady.
Tilsiz jaýdan 3 adam kóz jumyp, 9 adam jaraqat aldy.
– Órttiń basym bóligi turǵyn úı sektorynda jáne avtokólikte tirkelgen. Buǵan kóbine adamdardyń nemquraıdylyǵy sebep bolyp otyr. Naqty aıtqanda, qoqys jáne shóp qaldyqtaryn órteý kezinde ony baqylaýsyz qaldyrýdan, avtokólikterge ýaqtyly kútim jasamaýdan, turmystyq gaz qondyrǵylary, elektr jabdyqtary men gaz ballondarynyń aqaýynan, balalardyń sirińkemen oınaýynan paıda bolǵan, - dedi departamettiń memlekettik órt baqylaý basqarmasynyń bastyǵy, azamattyq qorǵaý polkovnıgi Ashat Orazbekov.
Bıyl oblystyń orman qoryndaǵy 251,12 gektar aýmaǵynda 10 órt oqıǵasy tirkeldi. Mobıldi top reıdtik is-shara júrgizip, ákimshilik quqyq buzǵan 35 tulǵaǵa aıyppul saldy.
Buǵan deıin biz 2025 jyldyń 3 aıynda 2 adam qaza taýyp, 8 adam jaraqat alǵanyn jazǵan edik.