Qyzylorda oblysynda «Creative Caravan» jobasy iske qosyldy

ASTANA. KAZINFORM - Qyzylorda oblysynda kreatıvti ındýstrııany jáne osy sala ókilderin damytyp, qoldaýǵa baǵyttalǵan óńirlik «Creative Caravan» jobasy bastaý aldy, dep habarlaıdy QR Mádenıet jáne aqparat mınıstrliginiń baspasóz qyzmeti.

Bul joba qoldanbaly óner sheberleriniń buıymdar kórmesi, marketıng boıynsha trenıngter, zańgerlik keńester men fotosessııalar ótkizetin jyljymaly alańǵa aınalmaq. Sonymen qatar uıymdastyrýshylar kreatıvti ındýstrııany memlekettik qoldaý sharalary týraly da aqparat beredi.

Osyndaı baǵdarlamamen kerýen oblystyń barlyq aýdandaryn aralaıdy. Jobanyń fınaly 16 qazanda Qyzylorda qalasynda ótedi.

-Qazirgi tańda óńirde kreatıvti ındýstrııa salasynda myńǵa jýyq sýbekt tirkelgen,-delingen QR Mádenıet jáne aqparat mınıstrliginiń baspasóz qyzmeti taratqan aqparatty.

Osyǵan deıin Qyzylorda oblysynyń Qazaly aýdandyq prokýratýrasy júrgizgen tekseris nátıjesinde mádenıet salasyndaǵy mekemelerde eńbek zańnamasynyń buzylǵany anyqtalǵany týraly jazdyq.