Qyzylorda oblysynda bir aýyl alkogol ónimin satýdan bas tartty
QYZYLORDA. KAZINFORM - Qyzylorda oblysy Aral aýdanyndaǵy alkogol ónim satýdan bas tartqan Sazdy aýylynda eki jyldan beri birde-bir qylmys tirkelgen joq.
Jergilikti turǵyndardyń aıtýynsha, aýylda 2023 jyldan bastap alkogol ónimderi satylmaıdy. Nátıjesinde sodan beri birde-bir qylmys tirkelmegen.
- Aýylda eki dúken bar. Onyń eshqaısysynda alkogol satylmaıdy. Ýchaskelik ınspektor qyzmetin atqaramyn. Sondyqtan alǵashqy kezekte aýyl turǵyndary jáne aqsaqaldar, aýyl ákimshiligi, jergilikti mektep oqýshylary jáne olardyń ata-analarymen ózara baılanys ornattym. Turǵyndar arasynda profılaktıkalyq sharalar jıi júrgiziledi, - dedi ýchaskelik polıtsııa ınspektory, polıtsııa kapıtany Jeńisbek Tórebaı.
Sondaı-aq ýchaskelik ınspektor mektep qyzmetkerlerimen de tyǵyz baılanys ornatyp, oqýshylarmen, ata-analarmen reıdter uıymdastyryp turady.
Eske salsaq, budan buryn Qyzylorda oblysynda 84 ekologııalyq zańnama talabyn buzý deregi anyqtaldy.