Qyzylorda oblysynda bıyl 577 adam qyzylsha juqtyrdy

QYZYLORDA. KAZINFORM - Qyzylorda oblysynda bıyl 577 adam qyzylsha juqtyrdy. Olardyń 80 paıyzǵa jýyǵy ekpe almaǵan. 

Oblysta qyzylsha aýrýynyń epıdemıologııalyq ahýaly turaqtanyp keledi. Byltyr qarasha aıyndaǵy kórsetkish 541 derek, jeltoqsan aıynda 474 derekti qurasa, ol bıyl qańtar aıynda 366 jaǵdaıǵa deıin tómendedi.

«Bul rette qosymsha jappaı ımmýndaýdyń tıimdiligin atap ótýge bolady. Búginde olysta 70 myńǵa jýyq bala ekpe aldy. Jyl basynan beri qyzylsha 577 adamnan anyqtaldy. Olardyń 80%-y aýrýǵa qarsy ekpe almaǵan. Qyzylsha aýa tamshysy jolymen jedel taralady. Sondyqtan uıymdasqan ujymdarda kóptep tirkeledi. Jyl basynan beri pedagogıkalyq kolledj stýdentteri arasynda qyzylshanyń 8 deregi anyqtaldy. Qaýlyǵa sáıkes naýqastarmen baılanysta bolǵandar 21 kúnge medıtsınalyq baqylaýǵa alyndy. Egý mártebesi tekserilip, kórsetilimderge sáıkes 30 jasqa deıingi buryn vaktsına almaǵan adamdardy anyqtap, ekpemen qamtý júrgizilýde», - dep atap ótti Qyzylorda oblysynyń sanıtarııalyq-epıdemıologııalyq baqylaý departamenti basshysy Dınara Jańabergenova.

Departament málimetinshe, qyzylsha aýrýshańdyǵy boıynsha karantın engizý kózdelmegen. degenmen kópshilik sharalar ótkizý, sabaqtardy aýdıtorııalyq aýystyrýlardy shekteýge keńes beriledi.

Eske salsaq, budan buryn Qyzylorda oblysynda bıyl 37 adam koronavırýs ınfektsııasyn juqtyrdy.