Qyzylorda oblysynda azyq-túlik baǵasy baqylaýda
Qyzylorda oblysy boıynsha azyq-túlik taýarlaryna baǵa belgileýdiń búkil tizbegi boıynsha deldaldyq shemalardy tekserý jónindegi komıssııanyń otyrysy josparǵa sáıkes aptasyna 2 ret ótkiziledi, dep habarlaıdy Kazinform.
Jyldyń basynan beri komıssııanyń 91 otyrysy uıymdastyrylyp, áleýmettik mańyzy bar azyq-túlik taýarlarynyń baǵasyn turaqtandyrý, artyq deldaldardy joıý, negizsiz baǵa ósimine jol bermeý máseleleri qaralǵan.
Kezekti otyrysy kóshpeli formatta qaladaǵy iri saýda nysandarynda ótkizildi. Komıssııa jumysyna oblystyń iri saýda nysandarynyń basshylary men BAQ ókilderi qatysty.
Oblys ákiminiń birinshi orynbasary S.Qojanııazovtyń tóraǵalyǵymen bastaǵan komıssııa músheleri eń aldymen «Small» saýda úıine baryp, dúken sórelerindegi azyq-túlik taýarlarynyń baǵalary, qamtamasyz etý jaǵdaıymen tanysty.
Kásipkerler ónimderdiń qaı jaqtan keletinin aıtyp baǵanyń turaqty ekendigin jetkizdi.
Odan soń, «Qyzylorda» saýda jelisiniń Shuǵyla móltek aýdanynda ornalasqan saýda úıindegi ÁMAT ónimderiniń baǵalarymen tanysty.
Kóshpeli otyrysta áleýmettik mańyzy bar azyq-túlik taýarlary men baǵa belgileýdegi máseleler keńinen qaralyp, komıssııa quramyndaǵy quzyrly memlekettik organ basshylarynyń jumys barysy tyńdaldy.
Jyl basynan beri komıssııa jumysy barysynda quzyrly memlekettik organdarmen kúrish, basty pııaz jáne as tuzy ónimderi boıynsha buzýshylyqtar anyqtalyp, ony joıý maqsatynda tıisti sharalar qabyldanǵan.
«Prezıdent jyl sońyna deıin ınflıatsııany 2 ese tómendetý mindetin qoıdy. Qazirgi tańda sol tapsyrmanyń sheńberinde tıisti sharalar qabyldanyp, nátıjesinde ótken jyldyń sáıkesinshe kezenińde áleýmettik mańyzy bar negizgi azyq-túlik taýarlary baǵalaryna ósý ındeksi 22,4%-dy quraǵan bolsa, aǵymdaǵy jyldyń qarasha aıyndaǵy áleýmettik mańyzy bar negizgi azyq-túlik taýarlarynyń ósý ındeksi 3,2%-dy qurap otyr. Oblys halqyn qysqy maýsymaralyq kezeńinde kókónis taýarlarynyń 3 aılyq qajettiliginiń 30%-yn qamtamasyz etý úshin 4952 tonna kókónis ónimderine jasalǵan kelisimsharttary boıynsha bıyl birinshi ret oblys ákiminiń bastamasymen 1291 tonna kókónis ónimine jergilikti taýaróndirýshilermen forvardtyq kelisim sharttar jasaldy. Oblysta nan baǵasyn turaqtandyrý maqsatynda ózge óńirlerdiń un óndirýshi kásiporyndarymen jyl basynan 7480 tonna unmen qamtamasyz etý jóninde kelisimshartqa otyrdyq. Búgingi kúnge osy kólemnen 5277,6 tonnasy oblysqa jetkizilip, naýbaıhanalarǵa taratylyp jatsa, 2202,4 tonnasy jetkizilý ústinde. Sonymen birge, aýyl sharýashylyǵy taýaróndirýshileriniń kóktemgi egis jumystaryn qoldap, aldyn-ala qarjylandyrý maqsatynda „Azyq-túlik kelisim shart korporatsııasy“ UK» AQ-men 6 myń tonna kúzgi ónimge forvardtyq kelisimsharttar jasaldy. Sondaı-aq, respýblıka kóleminde kúrish baǵasyn retteý jáne óńirlerdegi óńirlik-kásipkerlik korporatsııalardy qajetti kúrish kólemimen qamtamasyz etý maqsatynda kúrish jármeńkesi uıymdastyryldy. Ótkizilgen kúrish jármeńkesiniń qorytyndysymen óńirlerdiń ÁKK men oblystyń kúrish óńdeýshilerimen naqty 3,9 mlrd teńgeniń 9738 tonnaǵa 14 oblys pen men Almaty, Shymkent qalalarymen (aldyn ala 70% qarjylandyrý shartymen) forvardtyq kelisim sharttar jasaldy. Ózimizdiń áleýmettik dúkenderi men iri saýda úılerinde jumys jasap turǵan áleýmettik buryshtarda kúrishti 390-400 teńge aralyǵynda kúrish bosatýdamyz. Sondaı-aq, oblysty 2354,3 tonna qant kólemimen qamtamasyz etý úshin «Merke qant zaýytyna 1 083,0 mln. teńge qaryz berilip, búginde bul kólemnen 204 tonnasy jetkizildi. Aýyl sharýashylyǵy taýaróndirýshileriniń ónimderin deldalsyz, tikeleı óndirýshi baǵasymen oblys turǵyndaryna usyný maqsatynda qyrkúıek aıynan bastap apta saıyn aýyl sharýashylyǵy ónimderiniń jármeńkesi ótkizilýde. Turaqtandyrý qoryndaǵy saqtaý qoımalarynyń kólemin ulǵaıtyp kele jatyrmyz. Ári qaraı úkimettiń kómegimen turaqtandyrý qoryndaǵy ónimniń kólemin kóbeıtý arqyly ÁMAT baǵasyn turaqtandyrý baǵytyndaǵy jumys jalǵasady», — dedi Serik Salaýatuly.
