Qyzylorda oblysynda aýdandyq sot tóraǵasy ustaldy
QYZYLORDA. KAZINFORM – Qyzylorda oblysy Qazaly aýdandyq sotynyń tóraǵasy Dáýren Ábdiqalyqovqa qatysty qylmystyq is qozǵaldy.
Muny Kazinform aqparat agenttiginiń óz aqparat kózi rastady.
- Sotqa deıingi tergeý amaldary júrgizilip jatyr, - delingen habarlamada.
Atalǵan qylmystyq is jóninde budan buryn áleýmettik jelide taraǵan bolatyn.
- Sot tóraǵasy sybaılas jemqorlyq sıpatyndaǵy qylmys boıynsha kúdikti retinde tanylyp otyr. Oǵan aıyp taǵýshy — 2024 jyly alaıaqtyq babymen sottalǵan azamat. Aldyn ala málimetke qaraǵanda 2024 jyly sottalýshynyń týystary Ábdiqalyqovqa jazasyn jeńildetý úshin 6 mıllıon teńge bergen. Osylaısha ol shartty túrde jaza alǵan. Biraz ýaqyttan keıin qylmysker ózin merziminen buryn bosatý úshin taǵy 300 000 teńge jibergen, - delingen habarlamada.
Búgingi kúni tergep-tekserý amaldary júrip jatyr.
Eske salsaq, Ulttyq qaýipsizdik komıteti 2025 jyly sybaılas jemqorlyqqa qarsy baǵytta júıeli jumys júrgizip, 895 adamnyń zańsyz áreketiniń jolyn kesti.