Qyzylorda oblysynda alaıaqtyq jasaǵan erli-zaıyptylar ustaldy

Qyzylorda oblysynda alaıaqtyq jasaǵan erli-zaıyptylar ustaldy, dep habarlaıdy Kazinform.

Erli-zaıyptylar bıylǵy shilde aıynda jábirlenýshiden 8 mln teńge aqshany aldap alǵan.

Olar jábirlenýshi azamatshaǵa Qyzylorda oblysy boıynsha ekonomıkalyq tergep-tekserý departamentiniń óndirisindegi qylmystyq is boıynsha jaýaptylyqtan bosatyp beremin degen ýáde bergen.

«Bul boıynsha Qylmystyq kodekstiń 190-babynyń 3-bóliginiń 1-tarmaǵy, 28-babynyń 4-bóligi, 367-babynyń 3-bóliginiń 1-tarmaǵymen sotqa deıingi tergeý bastaldy. Qyzylorda qalalyq mamandandyrylǵan soty erli-zaıyptylardy 2 aı merzimge qamaýǵa sanktsııa berdi. Tergeý júrip jatyr», - dep málim etti departamentten.

Eske salsaq, budan buryn Qyzylordada birneshe avtokólikti soqqan júrgizýshi qamaýǵa alynǵan edi.