Qyzylorda oblysynda 16 aýylda ınternet joq
QYZYLORDA. KAZINFORM — Qyzylorda oblysynda 223 aýyldyń 207-i, ıaǵnı 92 paıyzy ınternetpen qamtamasyz etilgen. Shalǵaıda ornalasqan qalǵan eldi mekenderge aldaǵy jyldarda ınternet jetkiziledi.
Qyzylorda oblysy ákimi apparatynyń «Aqparattyq tehnologııalar ortalyǵynyń» habarlaýynsha, aımaqta barlyǵy 223 eldi meken bar.
Onyń ishinde 173-de turatyn halyq sany 250 adamnan assa, qalǵany oǵan jetpeıdi.
Halyq sany 250 adamnan asatyn eldi mekenniń barlyǵyna jáne adam sany odan tómen 34 aýylǵa ınternet jetip tur.
Al shalǵaıda ornalasqan 16 aýylǵa aldaǵy ýaqytta ınternet jetkizý josparlanyp otyr.
— Halyq sany 250 adamnan asatyn aýyldyq eldi mekenderdi sapaly ınternetpen qamtamasyz etý eki joba boıynsha júzege asady. Atap aıtqanda, ol «Talshyqty-optıkalyq baılanys jelisin salý» (TOBJ) jáne «Internetke mobıldi keńjolaqty qoljetimdilik» (IMKQ) arqyly júrgiziledi. Alǵashqy joba boıynsha QR Tsıfrlyq damý, ınnovatsııalar jáne aeroǵarysh ónerkásibi mınıstrliginiń qoldaýymen memlekettik-jekeshelik áriptestik aıasynda óńirdiń aýyldyq eldi mekendegi 73 memlekettik organyna arnalǵan talshyqty-optıkalyq baılanys jelisin qurylysy tolyǵymen aıaqtaldy, 64 aýyldyq ákimdik, 72 bilim berý jáne 69 medıtsınalyq mekemeleri atalǵan jelige qosyldy. Mınıstrliktiń «Qoljetimdi ınternet» ulttyq jobasy aıasynda 2023-2027 jyldar aralyǵynda aýyldardy keń jolaqty ınternetpen qamtamasyz etý jumysy júrgiziledi. Bul boıynsha 62 eldi mekenniń 194 memlekettik organyna (25 ákimshilik, 57 bilim, 52 aýrýhana, 18 balabaqsha, 24 kitaphana, 18 mádenıet úıi) keńjolaqty talshyqty-optıkalyq baılanys jelisi tartylady, — dedi Qyzylorda oblysy ákimi apparatynyń tsıfrlyq tehnologııalar bóliminen.
Joba sheńberinde 2023-2027 jyldar aralyǵynda Moınaq, Tastúbek, Jýantóbe, Aqtam eldi mekenderi mobıldi ınternetpen qamtamasyz etilmek.
Bıyl «Ksell» AQ, «Kar-Tel» JShS (Bılaın) 10 eldi mekendi sapaly keńjolaqty mobıldi ınternetpen qamtamasyz etti.
Sondaı-aq ulttyq joba aıasynda Qyzylorda oblysy boıynsha «Qyzylorda-Jezqazǵan» avtojoly boıyna jáne «Batys Eýropa-Batys Qytaı» avtojolynda avtomobıl joldarynyń boıynda 9 antenna-dińgek qurylysy josparlanǵan.
Osylaısha 2027 jylǵa deıin avtojol boıy sapaly baılanyspen qamtamasyz etiledi.
Qyzylorda qalasynda 5G tehnologııasynyń 40 núktesi jumys isteıdi.
Eske salsaq, budan buryn Qyzylordada pırotehnıkalyq ónimderge qatysty 12 ákimshilik quqyq buzý faktisi anyqtaldy.