Qyzylorda oblysynda 14 bala terezeden qulap ketti
QYZYLORDA. KAZINFORM - Qyzylorda oblysynda bıyl balalardyń terezeden qulaýy boıynsha 13 derek tirkelip, saldarynan 1-7 jas aralyǵyndaǵy 14 bala túrli dene jaraqatyn aldy.
Olardyń barlyǵy Qyzylorda qalasynda tirkelgen. Barlyǵy aman, túrli dene jaraqatyn alǵan. Bıyl mamyr aıynda bir kúnde úsh bala kóp qabatty úıdiń terezesinen qulaý jaǵdaıy boldy. Onyń bireýinde kóp qabatty úıdiń úshinshi qabatyndaǵy balkonnan úı ıesiniń 2017 jylǵy qyzy men 2018 jylǵy týysy qulap ketken. Al bir oqıǵa boıynsha balanyń baspaldaqtan qulaýy tirkeldi. Oblystyq Tótenshe jaǵdaılar departamentiniń málimeti boıynsha, balalardyń terezeden qulaý jaǵdaıynyń basty sebebi – ata-analardyń balalardy baqylaýsyz qaldyrýy.
«Terezede ýaqytsha bekitkish tordyń bolmaýy men moskıt torynyń berik bekitilmeýi oqys oqıǵanyń tirkelýine alyp keledi. Oǵan qosa balalardyń terezeniń aldynda oınaýyna jol bermeý qajet», - dedi Qyzylorda oblysy TJD Tótenshe jaǵdaılardyń aldyn alý bóliminiń bastyǵy Beıbithan Spanov.
Bul baǵytta sala mamandary qaýipsizdik sharalaryna baılanysty úgit-nasıhat jumystaryn júrgizip keledi.
Byltyr dál osyndaı 14 derek tirkelgen edi.
