Qyzylorda oblysy ákiminiń orynbasary taǵaıyndaldy

QYZYLORDA. KAZINFORM — QR Prezıdenti Ákimshiliginiń kelisimimen jáne oblys ákiminiń ókimimen Jahanov Bahyt Dúısenuly Qyzylorda oblysy ákiminiń orynbasary qyzmetine taǵaıyndaldy.

Bahyt Jahanov 1974 jyly Qyzylorda qalasynda dúnıege kelgen. Qyzylorda polıtehnıkalyq ınstıtýtyn «Ekonomıst-menedjer» mamandyǵy boıynsha bitirgen.

Eńbek jolyn 1999 jyly oblystyq aýyl sharýashylyǵy departamentiniń jetekshi mamany bolyp bastap, ár jyldary osy departamentte túrli laýazymdarda jumys jasaǵan.

2002-2008 jyldary oblystyq bilim jáne ekonomıka basqarmalarynda bólim basshysy, oblys ákimi apparatynyń bas ınspektory, oblystyq tabıǵı resýrstar jáne tabıǵat paıdalanýdy retteý departamenti dırektorynyń orynbasary laýazymdarynda nátıjeli qyzmet kórsetti.

2008-2022 jyldary Qazaly aýdanynyń ákimi, eki retten oblystyq aýyl sharýashylyǵy basqarmasynyń basshysy jáne oblys ákiminiń orynbasary retinde turǵyndardyń ózekti máselelerin sheshý jolynda aıanbaı eńbek etti.

2022 jyldyń sáýir aıynan bastap osy kezge deıin Qazaqstan Respýblıkasy Prezıdenti Ákimshiliginiń memlekettik ınspektory qyzmetin atqaryp keldi.

Eske salsaq, budan buryn Qyzylorda oblysy ákiminiń birinshi orynbasary taǵaıyndaldy.

Sondaı-aq, Serik Qojanııazov Qyzylorda qalasynyń ákimi qyzmetine taǵaıyndaldy.