Qytaılyq totyqus Gınnestiń rekordtar kitabyna endi

ASTANA. KAZINFORM —  Qytaıdyń Henan provıntsııasynda Sıaogýı atty totyqus tústerdi ajyratý boıynsha álemdik rekord ornatyp, Gınnestiń rekordtar kitabyna endi, dep habarlaıdy Guinness World Records.

Synaq kezinde zerek qustyń aldyna 10 plastık ydys pen sáıkes tústi 10 saban shar qoıyldy. Mindet — ár shardy óziniń túsine sáıkes keletin ydysqa salý bolatyn.

Sharlarlyń reti ádeıi aralastyrylyp, tapsyrma qıyndaǵanymen, totyqus birtindep ár shardy alyp, durys konteınerge jetkizdi. Ásirese, Sıaogýı eki bir-birine jaqyn qyzǵylt tústi ajyrata alǵan sát kórgenderdi tańǵaldyrdy.

Nátıjesinde erekshe úı janýary qojaıyny Tsın Fenniń basshylyǵymen 10 túrli tústi durys retpen ajyratyp, zattardy nebári 33,50 sekýndta ornalastyrdy.

Tsın Fenniń aıtýynsha, ol totyqusty alǵash ret 2020 jyly, balapan kezinde qolǵa alyp, qolmen tamaqtandyrǵan. Sol ýaqyttan beri ekeýiniń arasynda berik baılanys ornaǵan. Qojaıyn qustyń oıynshyqtarǵa, ásirese túrli tústi sharlarǵa qyzyǵýshylyǵyn baıqap, ony tústerdi ajyratýǵa jáne zattardy suryptaýǵa úırete bastaǵan.

Aıta ketelik Qytaı alǵash ret jasandy jatyry bar robotty tanystyrǵan edi.