Qytaılyq robot álemde eń alǵashqy bolyp salto jasady
ASTANA.KAZINFORM – Qytaıdyń Shenchjen qalasyndaǵy Chjýntsın tehnologııalyq kompanııasy (EngineAI) jasaǵan adam tárizdi robot PM01 álemde alǵashqy bolyp aldyǵa salto trıýkin jasady.
Sınhýa agenttiginiń habarlaýynsha, zertteý toby kóptegen tehnıkalyq qyıyndyqty jeńip, sátti nátıjege qol jetkizgen.
Robottyń aldyǵa salto jasaýy júgirýden góri robottyń apparattyq áleýetin jáne zertteý tobynyń algorıtm kúshin jaqsyraq kórsete alady. Sonymen qatar bul robottyń joǵary jyldamdyqtaǵy dınamıkalyq múmkindikteri bar ekenin dáleldedi.
Aıta keterligi, Chjýntsın PM01 roboty tórt aı buryn adamnyń tik júrý qalpyna (pishinine) uqsas júre bastaǵan.
Artqa salto jasaýmen salystyrǵanda, robottyń aldyǵa salto jasaýy kúrdelirek. Robot aýada bolǵan kezde onyń qalpyn rettep, ınertsııany jeńip, jerge túsý turaqtylyǵyn qamtamasyz etý úshin sensorlar arqyly naqty ýaqytta qozǵalys traektorııasyn túzetýi kerek.
Osyǵan deıin habarlaǵanymyzdaı, Qytaıdyń CCTV arnasy uıymdastyrǵan jańa jyl keshinde robottar bı bılegen edi.