Qytaıdyń ıAntszy ózeninde tasqynǵa qarsy sharalar kúsheıtilip jatyr
ASTANA. KAZINFORM – Qytaı bıligi eldegi eń úlken sý joly – ıAntszy ózeniniń basseıninde sý tasqynyna qarsy sharalardy kúsheıtip jatyr. Aldaǵy josparlarǵa sý tasqynynyń aldyn alýǵa keshendi daıyndyq jumystary kiredi.
Qytaı Halyq Respýblıkasynyń Sý resýrstary mınıstriniń orynbasary (SRM) Chen Mın ıAntszy ózeni basseınderinde jáne Qytaıdaǵy úshinshi iri tuşy sý kóli Taıhýda sý tasqynyna qarsy sharalardy kúsheıtýge shaqyrdy.
«Sý tasqynynyń aldyn alý úshin jan-jaqty daıyndyq jumystaryn júrgizip, osal jerlerdi nyǵaıtý qajet», - dep keltiredi Hinhua agenttigi mınıstr orynbasarynyń sózderin.
Qytaılyq sheneýnik jaýyn-shashyndy boljaý men sý tasqynyn baqylaý múmkindikterin jaqsartýdy talap etip, sondaı-aq sý tasqynyn azaıtý úshin gıdrotehnıkalyq qurylystardy úılestirilgen túrde paıdalaný qajettigin atap ótti.
Uzyndyǵy 6 myń shaqyrymnan asatyn ıAntszy ózeninde Qytaıdyń mıllıondaǵan halqy turatyn Chýntsın, Ýhan, Nankın jáne Shanhaı sııaqty megapolısteri ornalasqan.
ıAntszy ózeni boıynda qalyptasqan qalalyq klasterler úlesi Qytaıdyń jalpy ulttyq óniminiń 30%-dan astamyna teń. Olardyń ishinde ıAntszy ózeni aımaǵy – eldegi eń ekonomıkalyq damyǵan aımaqtardyń biri.
2021 jyldyń sońyna qaraı ıAntszy ózeniniń ekonomıkalyq beldeýiniń JІÓ 53 trln ıýannan (7 trln dollardan astam) asty.
