Qytaıdyń ońtústiginde tolassyz jaýǵan jańbyrdan qaza tapqandar bar

ASTANA. KAZINFORM — Ótken demalys kúnderi Qytaıdyń ońtústik aımaqtarynda jańbyr jaýyp, apta basynda nóser jaýady dep kútilip otyr, dep habarlaıdy Kazinform menshikti tilshisi. 

Qytaıdyń Ulttyq meteorologııalyq ortalyǵynyń habarlaýynsha, eldiń ońtústigindegi Gýansı-Chjýan avtonomııalyq aýdanyndaǵy bir eldi mekende sý tasqynynan qaza tapqandar sany alty adamǵa jetti, taǵy ekeýi iz-túzsiz joǵaldy. 

Ótken demalys kúnderi aýa raıynyń qolaısyzdyǵyna baılanysty Gýandýn provıntsııasynyń Gýanchjoý jáne Shenchjen qalalarynda 700-den astam reıs keıinge qaldyryldy jáne toqtatyldy.

Meteorologtardyń málimetinshe, Qytaıdyń ońtústiginde 2025 jyldyń basynan bergi eń qatty jańbyr 27-29 mamyr aralyǵynda jaýady. Tabıǵı apattar qaýpi joǵary. 

Jeksenbi kúni Qytaı bıligi ońtústik-batys ıÝnnan provıntsııasynda sý tasqyny qaýpine baılanysty «kógildir» eskertý jarııalady.

Buǵan deıin Úndistanda nóser jaýynnan 45 adam qaza tapqanyn jazǵan bolatynbyz.