Qytaıdyń munaı men gaz óndirisi alǵash ret 400 mıllıon tonnadan asty
ASTANA.KAZINFORM - Qytaıdyń ulttyq energetıka basqarmasynyń málimetinshe, Qytaıdyń shıki munaı men tabıǵı gaz óndirisi 2024 jyly alǵash ret munaı ekvıvalentinen 400 mıllıon tonnadan asady, dep jazady Sınhýa.
8 jyl qatarynan atalǵan energetıkalyq resýrstardyń jyl saıynǵy óndirisiniń ósimi 10 mln tonna munaı ekvıvalentinen astam deńgeıde turaqty boldy, dep habarlady vedomstvo.
2024 jyly shıki munaı óndirý 213 mıllıon tonna boldy. Bul 2018 jylmen salystyrǵanda 24 mıllıon tonnaǵa kóp. Tabıǵı gaz óndirý sońǵy alty jylda ortasha jyldyq ósimmen 13 mıllıard tekshe metrden asyp, 246,4 mıllıard tekshe metrge jetti.
Teńizdegi munaı men gaz óndirý, sondaı-aq dástúrli emes kózderden alynǵan gaz jáne munaı óndirisi ósiminiń negizgi draıveri boldy. Mysaly, Qytaıdyń taqtatas munaıy óndirisi 2024 jyly 6 mıllıon tonnaǵa deıin ósip, 30 paıyzdan asty.
Qytaı memlekettik energetıka basqarmasynyń málimeti boıynsha, Qytaıdaǵy taqtatas gazynyń óndirisi 25 mıllıard tekshe metrden asty.
Aıta keteıik, Qytaı 2024 jyly elektr qýatyn óndirý kólemin ulǵaıtty.