Qytaıdyń Lıaoıan qalasyndaǵy órtten 22 adam qaza boldy

ASTANA. KAZINFORM – Jergilikti ýaqyt boıynsha 29 sáýir kúni saǵat 12:25-te Qytaıdyń Lıaoıan qalasynyń Baıta aýdany Sanlıchjýan eldi mekenindegi dámhanardyń birinen órt shyqqan.

Global Times basylymynyń habarlaýynsha, saǵat 14:00-degi málimet boıynsha, órt saldarynan 22 adam qaza taýyp, 3 adam jaraqat alǵan.

The Paper aqparattyq portalynyń habarlaýynsha, QHR tóraǵasy Sı Tszınpın Baıta aýdanyndaǵy órtke baılanysty mańyzdy nusqaý berip, jaralanǵan adamdarǵa barynsha medıtsınalyq kómek kórsetý, qaza tapqandardyń otbasyna jan-jaqty járdem berý jáne iri apattardyń aldyn alý úshin qatań sharalar qabyldaý qajettigin atap ótken.

Sınhýa agenttigi QKP Bas hatshysy, QHR Tóraǵasy Sı Tszınpınniń búgin jumys saparymen Shanhaıda júrgenin habarlady.