Qytaıdyń 5 óńirinde sý tasqynyna baılanysty tótenshe áreket rejımi engizildi
ASTANA. KAZINFORM — Qytaıdyń Sý tasqyny men qurǵaqshylyqqa qarsy kúres jónindegi memlekettik shtaby beısenbi kúni eldiń soltústigindegi bes óńirde sý tasqynyna baılanysty tótenshe jaǵdaıǵa áreket etýdiń tórtinshi deńgeıin iske qosty, dep jazady Sınhýa.
Bul týraly Qytaı Halyq Respýblıkasynyń Tótenshe jaǵdaılardy basqarý mınıstrligi habarlady.
Meteorologııa qyzmetiniń boljamyna sáıkes, beısenbiden senbige deıin qatty jańbyr Beıjińde, sondaı-aq Hebeı, Shansı, Tszılın provıntsııalarynda jáne Nınsıa-Hýeı avtonomııalyq aýdanynda jaýýy múmkin.
Buǵan deıin shtab keńsesi Tszılın provıntsııasyna tabıǵı apat saldaryn joıýǵa kómektesý úshin arnaıy jumys tobyn jibergen.
Sondaı-aq beısenbi kúni Qytaıdyń memlekettik shtaby osy jyly jetinshi taıfýnnyń jaqyndaýyna baılanysty Chjetszıan jáne Fýtszıan provıntsııalarynda da tótenshe áreket etýdiń tórtinshi deńgeıin engizdi.
Aıta keteıik, Qytaıda tótenshe jaǵdaılarǵa áreket etýdiń tórt deńgeıli júıesi qoldanylady, mundaǵy birinshi deńgeı — eń joǵary qaýipti deńgeı bolyp sanalady.
Budan buryn 20 shildede «Vıpa» taıfýnyna baılanysty Qytaıdyń ońtústiginde joǵary daıyndyq rejımi engizilgen edi.