Qytaıdan Almatyǵa taǵy bir tikeleı reıs iske qosyldy
ALMATY. KAZINFORM – Almaty halyqaralyq áýejaıy Qytaıdan ushyp kelgen jańa áýe reısin qabyldady.
China Southern Airlines áýe kompanııasy Gýanchjoý – Almaty – Gýanchjoý baǵytyndaǵy jańa halyqaralyq áýe baǵytyn iske qosty. Reıster apta saıyn dúısenbi, sársenbi jáne juma kúnderi oryndalady.
Eske salaıyq, Qytaıdan Qazaqstanǵa ushatyn ushaqtarǵa bılet brondaý 80% ósken.
Qazaqstan men Qytaı arasynda vızasyz rejım engizilgeli beri 2024 jyly Qytaıdan Qazaqstanǵa saparlaǵan týrıster sany 655 myń adamǵa jetken, bul 2023 jylmen salystyrǵanda 78% kóp.
Buǵan deıin Bıyl Qazaqstan 32 halyqaralyq áýe reısin iske qosatynyn jazǵanbyz. Onyń 15-si múlde jańa baǵyttar bolmaq. Al jańa loýkosterlerdiń tiziminde Spice Jet (Úndistan), Thai AirAsia X (Taıland), Easter Jet (Ońtústik Koreıa), T’Way Air (Ońtústik Koreıa), Air Arabia Abu Dhabi (BAÁ) bar.