Qytaıdaǵy týrnır qazaqstandyq tennısshiler úshin sátti bastaldy

ASTANA. KAZINFORM – Qytaıda áıelder arasynda ótip jatqan Ýhan WTA 1000 týrnırine qazaqstandyq tennısshiler qatysty.

Qazaqstannyń ekinshi, álemniń 35-raketkasy ıÝlııa Pýtıntseva jekeleı synda dúnıejúzilik reıtıngide 250-orynda turǵan qytaılyq Chjan Shýaıdy 6:4, 6:4 esebimen tize búktirdi.

Qazaqstandyq tennısshi bıylǵy WTA 1000 jarystarynda jetken jeńisteriniń sany jóninen besinshi orynǵa kóterildi.

TOP-5:

Iga Shventek (Polsha) — 30.

Arına Sobolenko (Belarýs) — 23.

Korı Gaýff (AQSh) — 21.

Danıel Kollınz (AQSh) — 17.

ıÝlııa Pýtıntseva (Qazaqstan) — 15.

ıÝ.Pýtıntseva ekinshi aınalymda álemniń 18-raketkasy, horvatııalyq Donna Vekıchpen sheberlik baıqasady.

Qazaqstannyń juptyq syndaǵy birinshi, álemniń 31-raketkasy Anna Danılına reseılik Irına Hromachevamen birge ekinshi aınalymǵa ótti. Qazaqstandyq-reseılik jup bastapqy kezdesýinde japonııalyq Makoto Nınomııa – reseılik ıAna Sızıkovany joldan taıdyrdy – 6:4, 6:0.

A.Danılına – I.Hromachevanyń kelesi qarsylastary – ıspanııalyq Krıstına Býksha – rýmynııalyq Monıka Nıkýleský. 

Júlde qory 3,2 mln AQSh dollarynan asatyn Ýhan dodasy 13 qazanda máresine jetedi.

Eske sala keteıik, budan buryn Jibek Qulambaevanyń Brazılııadaǵy jarystyń jeńimpazy atanǵanyn jazǵan bolatynbyz.

Sondaı-aq Ámir Omarhanov Beıjińdegi týrnırde úzdik shyqty.