Qytaıdaǵy Mıanhýa kitaphanasy – álemdegi eń erekshe kitaphanalardyń biri

ASTANA. KAZINFORM — Qytaıdyń Gýansı provıntsııasyndaǵy Mıanhýa aýylyna jaqyn jerde ornalasqan Mıanhýa kitaphanasy – úlken úńgir ishinde, jartastyń eteginde ornalasqan erekshe mádenı keńistik, dep jazdy Azertadj.

Bıyl mamyr aıynda ashylǵan sátten bastap-aq bul kitaphana Qytaıdyń áleýmettik jelilerinde úlken tanymaldyqqa ıe bolǵan.

Kitaphanalar ádette ınternette qyzý talqylana bermeıdi, alaıda Mıanhýa – jaı ǵana kitap saqtaıtyn oryn emes, bul – kitap oqýdy unatatyndar men erekshe áserler men kóz tartar kórinisterdi izdeıtin saıahatshylar úshin naǵyz tartymdy nysan. Bıik jartastyń shetinde, kók jelektiń ortasynda ornalasqan bul oryn jasandy ıntellekt jasap shyǵarǵan qııal sekildi kórinedi. Alaıda bul – shynaıy meken jáne oǵan barýǵa daıyn ár adam úshin esigi ashyq.

Kitaphananyń syrtqy kórinisi – jartastarǵa ilingen aǵash kópirler men balkondar – birden kóz tartady. Biraq naǵyz sıqyr ishke kirgende bastalady. Kitaphana ornalasqan úńgirdiń ishki keńistigi – oıly-qyrly qabyrǵalar men myńdaǵan kitap toltyrylǵan sórelerimen adamdy tańqaldyrady.

Bul kitaphana aýyl turǵyndaryna kitaptarǵa qol jetkizý múmkindigin usynyp qana qoımaı, aýyldyq jerde ornalasqanyna qaramastan, búkil Qytaıdan keletin týrısterdi tartatyn kórnekti orynǵa aınalyp otyr.

Al Qazaqstanda RFID tehnologııasy arqyly 20-dan astam mektep kitaphanasynda skanerleýshi robottar jumys istemek.