Qytaıdaǵy Gran-prı týrnırinde 8 qazaqstandyq dzıýdoshy baq synaıdy

ASTANA. KAZINFORM – Jýyrda Qytaıdyń Tsındao qalasynda dzıýdodan Gran-prı týrnıri ótedi. 

Ulttyq olımpıadalyq komıtettiń málimetinshe, jarystyń alǵashqy kúni 26 qyrkúıekke josparlanǵan. 

Bul básekede Qazaqstan quramasynyń atynan 8 sportshy synǵa túsedi. 

Olardyń barlyǵy erler arasynda baq synaıdy. Halyqaralyq federatsııanyń málimetine sáıkes, quramǵa engen sportshylar tómendegideı: 

60 kelige deıin: Aldııar Qarǵulov, Daýren Súıeýkenov

66 kelige deıin: Nurmuhamet Botabaı, Erdáýlet Bosja

73 kelige deıin: Qýan Barys, Bereke Rahmatýllauly

81 kelige deıin: Ádilet Almat, Aıǵalı Qaldybek

Eske sala keteıik, osyǵan deıin dzıýdodan Qazaqstan jastar quramasy Azııa chempıonatyn tabysty aıaqtaǵanyn jazǵan edik.