Qytaıda jer silkinisinen 86 adam qaza tapty

Qytaıdyń soltústik-batysyndaǵy Gansý provıntsııasynda bolǵan kúshti jer silkinisinen 86 adam qaza tapty. Kazinform agenttiginiń tilshisi bul týraly Sınhýa aqparat agenttigine silteme jasap habarlaıdy. 

Jer silkinisi saldarynan joıý boıynsha jergilikti shtabtyń málimetinshe, dúısenbi kúni keshke Gansý provıntsııasynyń Tszıshıshan ýezinde magnıtýdasy 6,2-ge deıin jetken jer silkinisi tirkeldi.

Zilzala saldarynan 86 adam qaza taýyp, 96 adam jaraqat aldy.

Jer silkinisiniń oshaǵy bolǵan aýdanda turǵyn úıler men ınfraqurylymǵa zaqym kelgeni, sýmen jabdyqtaý jáne elektr qýaty úzilip, joldar qıraǵandyǵy atap ótildi.