Qytaıda uıaly telefon nómiri 440 000 dollarǵa satyldy

ASTANA. KAZINFORM — Qytaıda óte sırek kezdesetin jáne sımvoldyq mánge ıe uıaly telefon nómiri — 15177777777 — rekordtyq baǵaǵa satyldy.

Nómir Ali Auction onlaın saýda alańynda 3,2 mıllıon ıýanǵa nemese shamamen 440 000 AQSh dollaryna satyp alyndy, dep habarlaıdy Kvedomosti.ru. 

Bul nómirdi eldiń eń iri telekommýnıkatsııalyq operatorlarynyń biri China Mobile usynady. Ol kil 7 sanynan turatyndyqtan, Qytaıdaǵy «baqytty sandar» tiziminde 12-shi topqa kiredi. Dástúrli qytaı mádenıetinde 7 sany sáttilik pen tabystyń sımvoly bolyp sanalady.

Bir qyzyǵy, nómirdi satyp alǵan adam ony menshik retinde emes, 20 jyl paıdalaný quqyǵymen alady. Kelisimshart boıynsha ol aı saıyn 1500 ıýan (shamamen 206 dollar) tóleıdi.

Sonymen qatar, bul nómirdi basqa adamǵa resmı túrde berý múmkindigi 5 jyldan keıin ǵana paıda bolady. Kelesi rásimdeý úshin kem degende 5 jyl kútý kerek.
Satyp alýshynyń aty-jóni jarııalanbady, biraq sarapshylar mundaı eksklıýzıvti nómirler Qytaıda bedeldiń, áleýmettik mártebeniń jáne baılyqtyń sımvoly retinde joǵary baǵalanady deıdi. Nómirge ıe bolý kóbinese bedeldi tulǵalar nemese iri kompanııalar úshin ınvestıtsııa retinde qarastyrylady.

Eske sala keteıik, Ózbekstanda uıaly telefon nómiri 84,7 myń dollarǵa satylǵany jaıly jazǵan edik.