Qytaıda taqtatas munaıynyń úlken qory tabyldy

ASTANA. KAZINFORM – Qytaıdyń Shandýn provıntsııasynyń aýmaǵyna ornalasqan Sınsın munaı alabynyń Fanepın-1 ýchaskesinde taqtatas munaıynyń anyqtalǵan geologııalyq qory 140 mıllıon tonnadan asty. Bul týraly Qytaıdyń Jınmın Jıbao basylymy jazdy.

Al tehnıkalyq turǵydan óndirýge bolatyn munaı qory 11,36 mıllıon tonna dep baǵalanyp otyr. Bul – Qytaıdyń Tabıǵı resýrstar mınıstrligi tirkegen geologııalyq qory 100 mıllıon tonnadan kem emes alǵashqy taqtatasty munaı ken orny

Taqtatas munaıy – organıkalyq zattarǵa baı taqtatas qabattarynda túzilgen munaı resýrsy. Qytaı Ǵylym akademııasynyń akademıgi Tszıa Chentszao atap ótkendeı, taqtatas munaıy – Qytaıda shıki munaı óndirisin turaqtandyratyn, arttyratyn mańyzdy balama kóz, al munaı qorynyń anyqtalǵan kólemi – qazirgi óndiriske dem beretin negizgi kórsetkishterdiń biri. Onyń aıtýynsha, 2024 jyldyń qańtarynda Qytaıdyń Tabıǵı resýrstar mınıstrligi «Taqtatas qabattaryndaǵy munaı qoryn esepteý standartyn» jarııalaǵan, bul saladaǵy resýrstardy basqarýdyń jańa kezeńge – júıeleý men standarttaýǵa kóshkenin kórsetti.

- 10 jyldan astam ýaqyt boıy júrgizilgen zertteý jumysynyń nátıjesinde Shenlı munaı ken ornynda anyqtalǵan taqtatas munaıynyń jalpy qory 10,5 mıllıard tonnaǵa jetti. Bul – sońǵy 60 jyldan beri anyqtalǵan dástúrli munaı-gaz qorynyń jalpy kólemine teń kórsetkish. Keshendi barlaý jáne ıgerý jumystarynyń arqasynda bıyl Shenlı munaı ken ornynda qosymsha 80 mıllıon tonna jańa qor anyqtalýy múmkin. Bul Qytaıdyń taqtatas qabattaryndaǵy munaı resýrstaryn ıgerýge úlken serpin beredi, – dep atap ótti Sınopek korporatsııasynyń bas dırektorynyń kómekshisi jáne Shenlı munaı basqarmasynyń atqarýshy dırektory Sýn ıÝnchjýan.

Aıta keteıik, Alǵashqy kómirtek-14 ıadrolyq batareıasy Qytaıda jasaldy.