Qytaıda taǵy bir qalanyń halyq sany 10 mıllıonnan asty

ASTANA. KAZINFORM – Qytaıdyń Hefeı qalasynda turǵyndar sany alǵash ret 10 mıllıonnan asty. Bul jaıly Lianhe Zaobao basylymy habarlady.

10 naýryz kúni Qytaıdyń Anhoı provıntsııasynyń statıstıka bıýrosy ólkeniń 2024 jylǵy halyq sany jaıly jańa málimetterdi jarııalady.

Resmı derekterge sáıkes, 2024 jyldyń sońyna qaraı Anhoı provıntsııasynda turaqty halqy sany 61,23 mıllıon adamǵa jetip, ótken jylmen salystyrǵanda 20 myń adamǵa kóbeıip, 0,03%-ǵa ósken.

Provıntsııadaǵy týý koeffıtsıenti – 6,17‰, ólim koeffıtsıenti – 8,41‰, tabıǵı ósim kórsetkishi – -2,24‰ bolǵan.

Provıntsııa ortalyǵy Hefeıdiń turaqty turǵyndarynyń sany 10.002 mıllıon adamǵa jetken. Osylaısha, qala tarıhynda halyq sany alǵash ret 10 mıllıondyq mejeni baǵyndyryp otyr.

Hefeı — Qytaıda halq sany 10 mıllıonnan asqan 18-shi qala.

Resmı statıstıka sáıkes, 2024 jyldyń qorytyndysy boıynsha Qytaıda halqy 10 mıllıonnan asatyn 17 qala bar: Chýntsın, Shanhaı, Beıjiń, Chendý, Gýanchjoý, Shenchjen, Ýhan, Tıantszın, Sıan, Sýchjoý, Chjenchjoý, Hanchjoý, Shıtszıachjýan, Lını, Dýngýan, Chansha jáne Tsındao.

2050 jyly Qazaqstan astanasynda halyq sany 3,5 mln adamǵa jetedi.