Qytaıda Sıaotao esimdi robot mektep «bitirip», naryqqa shyqty

ASTANA. KAZINFORM – Qytaıdyń Tszıansý provıntsııasyndaǵy robot kompanııasy ózderi ázirlegen Sıaotao esimdi robotty Hanchjoý qalasyndaǵy Manycore Tech Inc kompanııasyna «oqýǵa» jiberdi, dep habarlaıdy qytaılyq «Halyq gazeti».

Bul robottarǵa arnalǵan vırtýaldy mektepte robottar keńistikti túsiný jáne ózara árekettesý sııaqty taqyryptardy meńgerýi tıis. Osyǵan deıin robottardy dástúrli oqytý quny joǵary jáne tıimdiligi tómen bolyp, salaǵa damýdyń qajettigi týyndaǵan edi. Al Hanchjoý qalasyndaǵy Manycore Tech Inc kompanııasynda jınaqtalǵan 362 mıllıonnan astam 3D modelder robottardy oqytýǵa arnalǵan joǵary sapaly «oqý materıaldaryna» aınaldy.

Robot-mı ınjeneri Chjoý Chýhan kompıýterde robotqa ártúrli pishindegi esik tutqalaryn ornatý, shkaf esikterin basqasha qurý, esikterdiń ashylý mehanızmin kezdeısoq ózgertý sııaqty «suraqtar» qoıady.

«Sıaotao» robotynyń mektepke alǵash kirgen kezdegi qabyldaý áreketi tómen bolǵan. Júıeli jattyǵýlardan keıin ol kedergilerdi erkin jeńip, qozǵalys dáldigi 90%-dan asyrdy.

Osylaısha, «Sıaotao» oqýyn aıaqtap, naryqqa shyqty. Ol áýejaılar, pılotsyz dárihanalar, ıntellektýaldy saqtaý ortalyqtary stsenarıılerindegi tapsyrmalardy sátti oryndaı bastady. Vırtýaldy mektep robottardyń oqý tıimdiligin ondaǵan ese arttyryp, ǵylymı zertteý men ázirleý jáne óndiris jyldamdyǵyn joǵarylatty.

Eske sala keteıik, buǵan deıin Qytaıda «taıǵa tańba basý» rásimi ótkeni týraly jazǵan bolatynbyz.