Qytaıda shahtadaǵy apattan qaza tapqandar sany 82 adamǵa jetti
ASTANA. KAZINFORM — Shansı provıntsııasyndaǵy kómir shahtasynda gaz jarylysynan qaza tapqandar sany 82 adamǵa jetti, dep habarlaıdy Xinhua.
Qytaı ortalyq teledıdarynyń naqtylaýynsha, taǵy toǵyz adam iz-túzsiz joǵalyp ketken.
Oqıǵaǵa kináliler zańǵa sáıkes «baqylaýǵa alynǵany», al qutqarý jumystary áli de jalǵasyp jatqany atap ótildi.
Qosymsha málimet keltirilgen joq.
Agenttik buǵan deıin segiz kenshiniń qaza taýyp, 38 adamnyń jer astynda qalyp qoıǵanyn habarlaǵan bolatyn.
Agenttiktiń málimetinshe, oqıǵa 22 mamyrda jergilikti ýaqytpen shamamen saǵat 19:29–da Chanchjı qalasynyń Tsınıýan ýezindegi (Chanchjı qalalyq okrýgi) Tongzhou Group-tyń «Lıýshenıýı» shahtasynda bolǵan. Buǵan deıin 50-den astam adam qaza tapqany týraly aqparat tústi.
QHR tóraǵasy Sı Tszınpın zardap shekkenderdi qutqarý jáne emdeý boıynsha barlyq kúsh-jigerdi jumsaýdy, sondaı-aq bolashaqta osyndaı iri apattardyń aldyn alý úshin sheshýshi sharalar qabyldaýdy tapsyrdy. Premer-mınıstr Lı Tsıan de qaıǵyly oqıǵaǵa baılanysty tıisti nusqaýlar berdi.
Aıta keteıik, buǵan deıin Aqmola oblysyndaǵy shahtany zańsyz qazǵan eki adam qaza tapqan edi.
