Qytaıda QazTrade saýda ókildigi jumysyn bastaıdy
ASTANA. KAZINFORM – Qazaqstandyq taraptyń Qytaıǵa jumys sapary barysynda saýda ókildigin ashý úshin Sychýan provıntsııasynyń Panazııalyq ınvestıtsııalyq-damýshy toby arasynda strategııalyq kelisimge qol qoıylǵan.
QR Saýda jáne ıntegratsııa mınıstri Arman Shaqqalıevtiń aıtýynsha, QazTrade otandyq ónimderdiń konsolıdatory retinde qytaılyq iri kompanııalardyń jolserigi atanbaq.
«Qazaqstan men provıntsııa arasyndaǵy saýdany ulǵaıtýǵa baǵyttalǵan birlesken jobalardy iske asyrý maqsatynda Qaztrade kompanııasy men Sychýan provıntsııasyndaǵy qytaılyq seriktestermen birlesip, QazTrade saýda ókildiginiń jumysyn bastaý jónindegi Sychýan provıntsııasynyń Panazııalyq ınvestıtsııalyq-damýshy toby arasynda strategııalyq kelisimge qol qoıyldy», - dedi mınıstr.
Aıta keteıik, byltyr Shensı provıntsııasynda Memleket basshysy Qasym-Jomart Toqaev QR Bas konsýldyǵyn ashqan bolatyn. Onyń alańynda qazaqstandyq ónimder shoý-rýmy jumys isteıdi.
«Sııan qurǵaq portynyń aýmaǵynda Qazaqstan Temir joly kompanııasynyń termınalynyń qurylysy bastaldy. Sondaı aq Hýbeı provıntsııasynyń kompanııalarymen saýda jáne akademııalyq yntymaqtastyq ornatylyp jatyr», - dedi A. Shaqqalıev.
