Qytaıda araǵa talanǵan mektep oqýshysy men 2 jasar bala kóz jumdy

ASTANA. KAZINFORM — Qytaıdyń ıÝnnan provıntsııasynda eki bala júzdegen aranyń shaǵýynan qaıtys boldy. Jergilikti omartashy abaısyzda kisi óltirdi dep aıyptaldy, dep habarlaıdy South China Morning Post. 

Qaraǵaıly ormanda oınap júrgen 7-synyp oqýshysy men onyń 2 jasar qaryndasyna bir top ara shabýyldaǵan. Olardyń ájesi balalardy qutqarýǵa tyrysty, biraq ony da aralar shaǵyp, aýrýhanada bir apta jatty.

Kishkentaı qyzdy 700-den astam ara shaǵyp, ol kóp uzamaı oqıǵa ornynda kóz jumdy. Al onyń aǵasyn 300-den astam ara shaǵyp, ol da kelesi kúni aýrýhanada qaıtys boldy. Balalardyń ákesiniń aıtýynsha, balalardyń denesinde ara shaqpaǵan jer qalmaǵan.

Jergilikti bılik marqumdy shaqqan jándikterdiń sary aıaqty ara (Vespa velutina nigrithorax) ekenin anyqtady. Olardy Lı esimdi fermer ósirgen.

Fermer qurbandardyń otbasylaryna 40 myń ıýan (shamamen 5 600 dollar) ótemaqy tóledi jáne basqa aqshasy joq ekenin aıtty. Lıge adam óltirdi degen aıyp taǵylyp, fermer bir apta qamaýda boldy, keıin kepilge bosatyldy.

Qaıǵyly jaǵdaıdan keıin ol barlyq ara uıasyn qıratty. Oqıǵadan keıin jergilikti bılik sary aıaqty arany ustaýǵa tyıym salyp, búkil óńirdegi omartashy sharýashylyqtardy aýqymdy tekserýge kiristi.

Eske sala keteıik, Qytaıda taıfýn saldarynan 41 myńnan astam adam evakýatsııalandy.