Qytaıda alǵash ret «qaıta baǵdarlamalanǵan» panda jasýshalary ósirildi
ASTANA. KAZINFORM – Qytaılyq zertteýshiler alǵash ret Qytaıda sırek kezdesetin janýardyń dáneker tininiń qaıta baǵdarlamalanǵan jasýshalarynan úlken pandalardyń tolyqqandy diń jasýshalaryn aldy. Bul jańalyq ǵalymdardy pandalar popýlıatsııasynda genetıkalyq ártúrlilikti arttyrýdyń jańa ádisterin jasaýǵa jaqyndatady, dep jazady TASS.
Zertteýshilerdiń Science Advances jýrnalynda jarııalaǵan ǵylymı maqalasyna sáıkes, qaıta baǵdarlamalanǵan diń jasýshalary jynys jasýshalaryn qosa alǵanda, dene tininiń keń spektrine aınalýǵa qabiletti.
«Bul olardy sırek kezdesetin jáne joıylyp ketý qaýpi tóngen janýarlar túrlerin, sonyń ishinde gametalaryn uqsas jasýsha uryqtarynan alýǵa bolatyn pandalardy qutqarý úshin paıdalanýǵa múmkindik beredi», — delingen zertteýde.
Bul jańalyqty Gýanchjoýdaǵy (Qytaı) negizgi regeneratıvti bıologııa zerthanasynyń ǵylymı qyzmetkeri Lıý Tszın basqarǵan qytaılyq molekýlalyq bıologtar toby úlken pandalardyń fıbroblasttaryn (Ailuropoda melanoleuca) tolyqqandy qaıta baǵdarlamalanǵan diń jasýshalaryna aınaldyrý boıynsha tájirıbe júrgizý barysynda jasady.
