Qytaıda áleýmettik logıstıka shyǵyny alǵash ret JІÓ-niń 14%-ynan tómen tústi

ASTANA. KAZINFORM — Qytaıda áleýmettik logıstıkaǵa jumsalatyn jalpy shyǵyndardyń jalpy ishki ónimge (JІÓ) qatynasy 13,9%-ǵa deıin tómendedi. Bul kórsetkish alǵash ret 14% deńgeıinen tómen tústi, dep habarlaıdy Sınhýa.

QHR Memlekettik damý jáne reformalar komıtetiniń málimetinshe, qazirgi deńgeı 13-besjyldyqtyń (2016–2020 jyldar) qorytyndysy boıynsha tirkelgen kórsetkishten 0,8 paıyzdyq tarmaqqa tómen.

Vedomstvo Qytaı ekonomıkanyń tıimdiligin arttyrý baǵytyndaǵy jumysty jalǵastyratynyn atap ótti.

Atap aıtqanda, el 2027 jylǵa qaraı áleýmettik logıstıka shyǵyndarynyń JІÓ-ge qatynasyn shamamen 13,5%-ǵa deıin tómendetýdi josparlap otyr.

Buǵan deıin Qytaıdyń jalpyǵa qoljetimdi spýtnıktik habarlamalar servısin iske qosqany habarlanǵan bolatyn.