Qytaıda 5 myń jyldyq beıit tabyldy

ASTANA. KAZINFORM – Arheologtar Ortalyq Qytaıdyń Henan provıntsııasynda shamamen 5 myń jyl turǵan neolıt dáýirine jatatyn molany tapty, dep habarlaıdy TASS aqparat agenttigi.

Xinhua agenttiginiń habarlaýynsha, beıit sol dáýirdegi jergilikti bıleýshige tıesili degen boljam bar.

Mamandardyń baǵalaýynsha, ony jerleý rásiminen keıin kóp uzamaı ádeıi qorlaǵan. Marqumnyń qańqasynyń kóp bóligi joǵalyp ketken, kóptegen saltanatty zattar búlingen.

Ǵalymdar ıÝnchen qalasynda ornalasqan qabirden 350-den astam buıymdar – keramıka, súıek jáne nefrıtten jasalǵan buıymdardy anyqtady. Nysannyń aýdany 17 sharshy metrden asady. Tarıhshylardyń shamalaýynsha, erte zamanda bul jerde «astanamen salystyrýǵa bolatyn» úlken eldi meken ornalasqan.

Tabylǵan beıit Vanchýan degen jerde ornalasqan, onda kóne qırandylar bar jáne sol jerden jańa arheologııalyq oljalar týraly málimetter kelip turady. Artefaktiler Qytaıdyń bul bóliginde sonaý ótken zamanda Shyǵys Azııa aımaǵynyń ártúrli mádenıetteriniń ózara baıýynyń qarqyndy protsesi bolǵanyn rastaıdy.