Qytaı jylan jylyn qarsy alýǵa daıyndalyp jatyr
ASTANA. KAZINFORM – Qytaı turǵyndary 29 qańtarǵa qaraǵan túni jańa jyldy, ıaǵnı «Chýntsze» (kóktem merekesin) qarsy alady. Bıyl «Chýntsze» merekesi ıÝNESKO-nyń adamzattyń materıaldyq emes mádenı murasynyń tizimine endi.
Qytaıda «Chýntsze» bastalardan eki apta buryn álemdegi halyqtyń maýsymdyq kóshi-qon bastaldy. Ol «Chýnıýn» (kóktemgi saıahat) aı kúntizbesi boıynsha dástúrli qytaılyq Jańa jylǵa arnalǵan ulttyq merekelermen baılanysty. Bul kúni júzdegen mıllıon turǵyn dástúr boıynsha Qytaı aımaqtaryndaǵy jaqyn týystaryna barady.
Ádette, osy ýaqytta týrıstik jáne aımaqaralyq jolaýshylar aǵyny aıtarlyqtaı ósedi.
«Kóktemgi saıahat» maýsymy 22 aqpanǵa deıin jalǵasady.
Bıyl Qytaı bıligi el boıynsha rekordtyq 9 mıllıard aımaqaralyq jolaýshylar saıahatyn boljap otyr. Jurttyń deni avtomobılmen júredi (7,2 mlrd), 510 mln-nan astam adam temirjolmen qatynaıdy, al Qytaıdyń azamattyq avıatsııasy 90 mln jolaýshyǵa qyzmet kórsetýge daıyn.
Bıyl Qytaı úkimeti kóktem merekesinde sheteldik azamattar úshin vızasyz tranzıt saıasatyn aıtarlyqtaı jeńildetti. Osylaısha vızasyz tranzıtke quqyǵy bar sheteldikterdiń (54 eldiń azamattary úshin jaramdy) QHR aýmaǵynda bolý merzimi bastapqy merzimnen 72 jáne 144 saǵattan 10 kúnge deıin uzartyldy.
Jańa jyldyq kanıkýl kezeńinde QHR Shyńjań-Uıǵyr avtonomııalyq aýdanyndaǵy (SÝAR) taý shańǵysy kýrorttaryna bıletterdi brondaý sany 60%-ǵa artty.
Bıyl Qytaıda jańa jyldyq demalys 28 qańtardan bastalyp, 8 kúnge sozylady. Dástúrge sáıkes, aı kúntizbesi boıynsha Jańa jyldy merekeleýge daıyndyq bir apta buryn «kishi Jańa jyldan» bastalady, al merekeniń aldyndaǵy kún saıynǵy dástúr qatań túrde josparlanǵan.
Árıne, qazir QHR azamattary bul tártipti ustanbaıdy. Alaıda, «Chýntsze» merekesine deıin, ádette, úıdi tazalaý jáne ótken jyldyń sátsizdigimen baılanysty barlyq «eski dúnıe-múlik, zattardan qutylý ádeti bar. Eresekter balalarmen birge terezelerge ilingen qyzyl qaǵaz úlgilerin qıyp alady, úıdiń kireberisin shamdarmen bezendiredi, jańa jyldyq tilekter jazyp, úıdiń esikterine ilip qoıady.
Jańa jyl qarsańynda búkil otbasy merekelik dastarhanǵa jınalady. Qytaılyqtar úshin bul mańyzdy jáne saltanatty sát. Soltústik Qytaıdaǵy merekelik ústeldiń basty dámi — tushpara.
QHR astanasynyń turǵyndary men qonaqtary úshin mereke aptalyǵy kezinde saıabaqtarǵa jáne basqa da ashyq týrıstik oryndarǵa kirý tegin, sondaı-aq Beıjińniń qala mańyndaǵy aýdandaryna jedel joldarmen tegin jetý múmkindigi bar.
«Chýntsze» merekesi kezinde dástúrli bıdi (arystandar men aıdaharlardyń bıleri) tamashalaýǵa jáne Qytaı turǵyndary arasynda «ǵıbadathana jármeńkelerinen» keń assortımenttegi jergilikti taǵamdardyń dámin tatý keńinen tanymal.
Dástúrge sáıkes, aı kúntizbesi boıynsha Jańa jyl bastalǵannan keıingi alǵashqy úsh kúnde shash jýýǵa jáne qııýǵa bolmaıdy, óıtkeni bul «baılyqtyń joǵalýyn» bildiredi, úıdi de osy dástúrge súıenip jınap, tazalaý kerek.
Aı kúntizbesi boıynsha jańa jyl jylannyń qamqorlyǵymen ótetin 29 qańtarǵa qaraǵan túni keledi. Qytaıda Jańa jyldy toılaý eki aptaǵa sozylady jáne shamdar merekesimen aıaqtalady («ıÝansıaotsze»).
Aı kúntizbesi boıynsha jańa jyl — «Chýntsze» ótken jyldyń jeltoqsanynda ıÝNESKO-nyń adamzattyń materıaldyq emes mádenı muralardyń tizimine engizildi.
Eske sala keteıik, buǵan deıin Qytaı halqy 2024 jyly 1,39 mıllıonǵa azaıǵanyn jazǵan bolatynbyz.