Qytaı ýaqytsha áýe marshrýttaryn turaqty baǵyttarǵa teńestirdi
ASTANA. KAZINFORM — Qytaı áýe keńistigin tıimdi paıdalaný jáne avıatsııa salasyn damytý maqsatynda ýaqytsha áýe baǵyttaryn basqarý sharalaryn qaıta qarady. Bul týraly Sınhýa eldiń Áýe qozǵalysyn basqarý jónindegi ortalyq komıtettiń keńsesine silteme jasap habarlady.
Jańa erejeler ýaqytsha baǵyttardyń qyzmetin keńeıtip, olardy turaqty marshrýttarmen teńestiredi.
Bul ózgeris áýe kompanııalaryna ushý josparlaryn birizdi tártippen usynýǵa múmkindik berip, marshrýttardyń qashyqtyǵyn qysqartýǵa jáne kómirqyshqyl gazy shyǵaryndylaryn azaıtýǵa yqpal etedi.
Sonymen qatar, baǵyttardy paıdalaný tártibi ótinish berý júıesinen habarlaý júıesine kóshiriledi: baǵyttar turaqty túrde ashylyp, ózgerister týraly aldyn ala habarlanyp otyrady. Bul ushýlardy josparlaý tıimdiligin arttyrady.
Jańartylǵan erejeler 2026 jyldyń 1 qyrkúıeginen bastap kúshine enedi.
Quzyrly organ baǵyttardyń tıimdiligin baǵalap, qajet bolǵan jaǵdaıda olardy jedel túzetip, ushý qaýipsizdigin qamtamasyz etý úshin habarlaý júıesin jetildirip otyrady.
Buǵan deıin Sı Tszınpın Túrikmenstannan Qytaıǵa gaz jetkizý kólemin ulǵaıtýǵa shaqyrǵanyn jazǵan bolatynbyz.