Qytaı sý tasqyny qaýpine baılanysty shuǵyl áreket etý rejımin engizdi
ASTANA. KAZINFORM — Qytaı bıligi tórt provıntsııalyq deńgeıdegi aımaqta sý tasqynyna baılanysty tórtinshi deńgeıdegi shuǵyl áreket etý rejımin iske qosty, dep habarlaıdy Sınhýa.
Qytaı Halyq Respýblıkasynyń Sý sharýashylyǵy mınıstrligi jeksenbi kúni, 24 mamyrda Anhoı, Henan, Shensı provıntsııalarynda jáne ortalyqqa tikeleı baǵynatyn Chýntsın qalasynda sý tasqynyna qarsy tórtinshi deńgeıli shuǵyl rejım engizdi. Sonymen qatar Tszıansı, Hýbeı jáne Hýnan provıntsııalarynda da dál osyndaı deńgeıdegi aldyn alý sharalary saqtaldy.
24–27 mamyr aralyǵynda Qytaıdyń ońtústik-batysyndaǵy keıbir aımaqtarda, Soltústik-Batys Qytaıdyń shyǵys bóliginde, Hýanhe men Hýaıhe ózenderi aralyǵynda, ıAntszy men Hýaıhe aralyǵyndaǵy óńirlerde, sondaı-aq ıAntszynyń ońtústigindegi aımaqtardyń soltústik jáne batys bólikterinde qatty jaýyn-shashyn kútiledi. Keıbir shaǵyn jáne orta ózenderde sý deńgeıi tasqyn týraly eskertý sheginen asyp ketýi múmkin.
Mınıstrlik jergilikti sý sharýashylyǵy organdaryna jaýyn-shashyn men sý deńgeıin naqty ýaqyt rejıminde baqylaýdy kúsheıtýdi jáne erte eskertý aqparatyn der kezinde taratýdy tapsyrdy.
Sondaı-aq sý qoımalarynyń qaýipsiz jumysyn qamtamasyz etýge erekshe kóńil bólý, shaǵyn jáne orta ózenderdegi sý tasqynynyń aldyn alý jáne taýly selderdiń qaýpin azaıtý sharalaryn kúsheıtý qajet ekeni aıtyldy.
Sınhýa agenttiginiń habarlaýynsha, 23 mamyr keshinde Qytaıdyń ońtústik-batysyndaǵy Chýntsın qalasynyń ıÝnchýan aýdanynda qatty nóser saldarynan 10-nan astam adam habar-osharsyz ketken.
Aıta ketelik Qytaıdaǵy shahta apatynan 82 adam qaza tapqan edi.
