Qytaı Reseıge syra jetkizýde kósh bastady
ASTANA. KAZINFORM — 2025 jyldyń qańtar–qyrkúıek aılary aralyǵynda Qytaı Reseıge syra jetkizý kólemin bir jarym esege arttyrdy. Osy kezeń ishinde QHR-dan RF-ǵa jalpy somasy 33,4 mln AQSh dollaryna teń syra ımporttalǵan, dep habarlaıdy DW.
Osylaısha Qytaı Germanııany basyp ozyp, Reseı naryǵyndaǵy eń iri syra jetkizýshi atandy.
Habarlamaǵa sáıkes, ekinshi orynda Chehııa tur. Alaıda bul eldiń eksporty eki esege jýyq qysqaryp, 15,6 mln dollar boldy.
Buǵan deıin Reseı naryǵyna syra jetkizýde kósh bastaǵan Germanııa óz eksportyn alty esege azaıtyp, 12,2 mln dollarǵa deıin tómendetti. Sondaı-aq Belgııa, Latvııa, Nıderland jáne Polsha sııaqty basqa da eýropalyq elderden Reseıge jetkiziletin syra kólemi qysqarǵan. Al Portýgalııadan Reseıge syra ımporty kerisinshe 21 esege ósip, 1,6 mln dollarǵa jetken.
Buǵan deıin Qazaqstanda 2026 jyldan bastap syrany kezeń-kezeńimen tsıfrlyq tańbalaý engizý josparlanyp otyrǵany habarlanǵan bolatyn.