Qytaı men Ońtústik Koreıa Ortalyq Azııanyń klımattyq jobalaryna 5 mln dollar bóledi
ASTANA. KAZINFORM – Qytaı men Ońtústik Koreıa Ortalyq Azııa óńirlik ekonomıkalyq yntymaqtastyǵyna múshe 10 memlekettiń klımattyq jobalaryna 5 mln dollar bóledi. Bul týraly Azııa damý banki Ortalyq jáne Batys Azııa departamentiniń óńirlik seriktestik jáne ıntegratsııa jónindegi basshysy Lázıza Sabyrova málim etti.
«Biz jańa trast qoryn (kópjaqty maqsattaǵy donorlyq qor) qurý týraly kelisimge qol qoıdyq. Ol qor klımat ózgeristerin tejeýge arnalǵan jobalardyń tehnıkalyq-ekonomıkalyq zertteýlerin qarjylandyrýǵa kómektesedi. Bizdiń Qytaı jáne Ońtústik Koreıa sııaqty donorlarymyz osy qordy qurýǵa bastapqy aqshany saldy. Qazaqstan Ortalyq Azııa óńirlik ekonomıkalyq yntymaqtastyǵy baǵdarlamasyna múshe el retinde osy qordyń aqshasyn óńirlik jobalardy daıyndaýǵa jumsaı alady. Donorlyq qordyń aıasynda Azııa óńirlik ekonomıkalyq yntymaqtastyǵy baǵdarlamasyna 5 mln dollar bólindi. Al sol qarajatqa ázirlengen jobalardyń negizgi bıýdjeti birneshe mıllıonǵa jetýi múmkin», - dedi Azııa damý bankiniń ókili.
Halyqaralyq qajy ınstıtýtynyń ókili qor qarajatyna ázirlenetin jobalar birneshe ólshemshart boıynsha irikteletinin aıtady.
«Bizde OAÓEY elderinen jınaqtalǵan usynystar tizimi bar. Olardy irikteýdiń ólshemsharty da bar. Sonyń ishinde eń mańyzdy eki ólshemshartty aıtýǵa bolady. Birinshisi – joba óńirlik aýqymdy qamtý kerek. Ekinshisi – joba klımattyń ózgerýine arnalǵany kerek. Jasyl dáliz, kómirsýteksizdendirý baǵyttaryna qamtý kerek. Jobalardy ári qaraı ne Azııa damý banki, ne ózge seriktester qarjylandyrady», - dedi Lázıza Sabyrova.
Aıta ketý kerek, Koreıa Ortalyq Azııa óńirlik ekonomıkalyq yntymaqtastyǵyna Qazaqstan, Ózbekstan, Ázerbaıjan, Aýǵanstan, Qytaı, Qyrǵyz Respýblıkasy, Mońǵolııa, Pákistan, Tájikstan, Túrikmenstan memleketteri múshe.
Osyǵan deıin qyrǵyzstandyq sarapshy Naatalıa Kılıazovanyń Ortalyq Azııa klımattyq ózgeristerge eń osal aımaqtardyń biri sanalatyny týraly atty. Munda temperatýra planetadaǵy ortasha deńgeıden jyldam kóteriledi, bul azyq-túlik qaýipsizdigi men aýyl sharýashylyǵyna qaýip tóndiredi.
