Qytaı Qazaqstannyń negizgi saýda seriktesine aınaldy

ASTANA. KAZINFORM – «QazTrade saýda saıasatyn damytý» aktsıonerlik qoǵamy 2023 jyldyń syrtqy saýdadaǵy qorytyndysyn jarııalady.

Kompanııanyń baspasóz qyzmeti 2023 jyly Qazaqstan taýaryn eń kóp satyp alǵan elderdiń kóshin Qytaı, Reseı jáne Italııa bolǵanyn málimdep otyr.

Kósh basyndaǵy Qytaımen aradaǵy saýda aınalymynyń 56,3%-y eksportqa tıesili kórinedi. Jalpy bul elmen aradaǵy saýda aınalymynyń aqshaǵa shaqqandaǵy kólemi – 31,5 mlrd dollar.

Ekinshi oryndaǵy Reseımen saýda aınalymy 26 mlrd dollar bolsa, Italııa - 16,1 mlrd dollar bolǵan. Odan keıingi Ońtústik Koreıamen jáne Túrkııadaǵy aradaǵy alys-beris kólemi 6 mlrd dollarǵa jetken.

Qazaqstan eksporttaǵan taýarlardyń basynda ádettegideı shıki munaı men munaı ónimderi tur. Al eń kóp ımporttalǵan taýarlardyń qataryn qondyrǵylar, kólik jáne onyń bólshekteri, elektrli tehnıka men qundy emes metaldar bastap tur.

Kompanııanyń málimetinde Qazaqstan saýda jasaıtyn elderdiń qatary 131-den 135 elge óskeni aıtylǵan.

Qazaqstannyń shıkizat emes eksporty Qytaıda, Kazahstan (+10%), Gonkongta (+34%), Ońtústik Koreıada (+30%), Vetnamda (+64%) artqan. Al aýyl sharýashylyǵy (-3,7%) men ónerkásiptegi (-9,8%) shıkizat emes eksport kólemi azaıǵan.

Bir jyl burynǵy derekterge qarasaq, 2022 jyly Qazaqstannyń basty saýda seriktestigi Italııa (13,9 mlrd dollar) men Qytaı (13,2 mlrd dollar) bolǵan. Odan keıingi oryndarǵa Reseı (8,8 mlrd dollar), Nıderland (5,48 mlrd dollar) jáne Túrkııa jaıǵasqan edi (4,75 mlrd dollar).