Qytaı bolat ónimin eksporttaýǵa shekteý engizedi
ASTANA. KAZINFORM — Qytaıdyń Saýda mınıstrligi 2026 jyldan bastap 300-ge jýyq bolat ónimin qamtıtyn eksportty lıtsenzııalaý júıesin engizetinin habarlady. Bul týraly ANEWZ jazdy.
Mınıstrlik shekteýdiń sebebin naqtylamady. Biraq bul qadam Eýropanyń arzan qytaı bolatyna jáne eldegi artyq qýatqa qatysty synǵa jaýap bolmaq.
Jańa júıe boıynsha 1 qańtardan bastap bolat ónimderiniń jekelegen túrlerin eksporttaý úshin eksporttyq lıtsenzııa qajet bolady.
Qytaıdyń bolat eksporty Amerıka Qurama Shtattary engizgen joǵary tarıfterge qaramastan, qańtar-qarasha kezeńinde ótken jyldan 6,7 paıyz ósip, 107 mıllıon tonnadan asty.
Eýropalyq sheneýnikter Qytaı bolatynyń baǵasyn básekelesterinen aıtarlyqtaı tómen baǵalaǵany úshin uzaq ýaqyt boıy synǵa aldy. Іshinara úkimet sýbsıdııalary sebebinen bul EO bolat ónerkásibine nuqsan keltiredi dep sanaıdy.
Aıta keteıik, jeltoqsannyń alǵashqy kúninde Japonııanyń bolat quıý zaýytynda jarylys boldy.