Qytaı bıligi sý tasqyny saldaryn joıýǵa 30 mln dollar bóldi
ASTANA. KAZINFORM - Qytaıdyń ońtústik óńirlerinde sý tasqyny qaýpine baılanysty eldiń Sý tasqyny men qurǵaqshylyqqa qarsy kúres jónindegi memlekettik shtaby tótenshe áreket etýdiń 4-deńgeıin engizdi.
2025 jylǵy 18-23 maýsym aralyǵynda Qytaıdyń ońtústik aımaqtarynda qatty nóser jaýyn jaýyp, keıbir óńirlerde 300 mm-den astam jaýyn-shashyn tirkelgen.
Gýıchjoý provıntsııasyndaǵy tótenshe jaǵdaıdan keıin búlingen ınfraqurylymdy qalpyna keltirý úshin eldiń ortalyq bıýdjetinen 100 mıllıon ıýan (shamamen 15 mıllıon AQSh dollary) bólindi.
Sondaı-aq Gýandýn men Hýnan provıntsııalaryna materıaldyq-tehnıkalyq kómek retinde qosymsha 100 mıllıon ıýan baǵyttaldy.
Qytaı bıligi tabıǵat apatynan eń kóp zardap shekken Gýıchjoý provıntsııasyna arnaıy jumys tobyn jiberip, jergilikti bılikke qoldaý kórsetip, tótenshe jaǵdaı saldaryn joıý sharalaryn úılestirip otyr.
Aıta keteıik, Qytaıda sý tasqynyna qatysty tótenshe jaǵdaılarǵa den qoıýdyń tórt deńgeıli júıesi qoldanylady. Qazirgi engizilgen 4-deńgeı – eń tómengi, alaıda ol aýqymdy daıyndyq sharalaryn qajet etetin naqty qaýiptiń bar ekenin bildiredi.
Qytaıda sý tasqyny saldarynan 80 myńnan astam adam evakýatsııalandy.