Qytaı AQSh-tyń barlyq ónimine 34% baj salyǵyn engizedi

ASTANA. KAZINFORM - 10 sáýirden bastap Qytaı AQSh-tan keletin barlyq taýarǵa baj salyǵyn engizedi. Bul týraly Qytaıdyń ortalyq telearnasy (CCTV) jazdy, dep habarlaıdy Kazinform tilshisi.

— AQSh-tan keletin barlyq ımporttyq taýarǵa qoldanystaǵy tarıftik mólsherlemeden 34% joǵary tarıf salynady, - dep keltiredi CCTV Qytaı Memlekettik keńesiniń tarıftik komıssııasy erejesiniń mátinin.

Qytaıdyń bul áreketi Amerıka Qurama Shtattaryna jetkiziletin Qytaı taýarlaryna AQSh-tyń tarıf saıasatyna jaýap boldy. 

— AQSh-tyń bul tájirıbesi halyqaralyq saýda erejelerine qaıshy keledi, Qytaıdyń zańdy quqyqtary men múddelerine eleýli nuqsan keltiredi jáne ádettegi birjaqty qorqytý tájirıbesi sanalady, - delingen habarlamada.

Buǵan deıin Qytaıdyń Saýda mınıstrligi AQSh-tyń «ózara tarıfterine» qarsy shyǵyp, óz múddesin qorǵaý úshin qarsy sharalar qoldanatynyn málimdegen.