Qytaı AQSh taýarlaryna baj salyǵyn 125 paıyzǵa deıin kóterdi

BEIJІŃ. KAZINFORM – Amerıkanyń engizgen salyǵyna jaýap retinde Qytaı 12 sáýirden bastap AQSh taýarlaryna salynatyn baj salyǵyn 84%-dan 125%-ǵa deıin kóteredi. Bul týraly QHR Memlekettik keńesiniń Tarıftik komıteti habarlady, dep jazady TASS.

– Vashıngtonnyń Qytaı ónimderine óte joǵary tarıfteri «halyqaralyq saýda-ekonomıkalyq erejelerdi, negizgi ekonomıkalyq zańdar men parasattylyqty buzý, qorqytý men májbúrleýdiń birjaqty áreketi», – delingen habarda.

Aıta keteıik, Aq úı buǵan deıin Amerıkanyń Qytaıdan jetkizilim bajy 125 paıyz emes, 145 paıyz bolady dep málimdegen edi.

Sondaı-aq, Qytaı men EO elektrlik kólikterdiń baǵasy jóninde kelissóz júrgizbek.