Qytaı AES qýaty jaǵynan álemde birinshi orynda

ASTANA. KAZINFORM – Búginde Qytaıda jumys istep turǵan, salynyp jatqan nemese salýǵa ruqsat etilgen 102 atomdyq energoblok bar. Bul týraly QHR Ekologııa jáne qorshaǵan orta mınıstrliginiń saıtynda aıtylǵan, dep habarlaıdy Kazinform menshikti tilshisi.

- Qytaıdyń qurlyqtaǵy bóliginde 58 atom energoblogy jumys istep tur, 31-i qurylysqa lıtsenzııa aldy jáne 13 blok qurylysy maquldandy. Nátıjesinde energobloktardyń jalpy sany 102-ge jetti, belgilengen qýaty 113 mln kılovatt. Bul Qytaıǵa álemde atom energııasyn eń iri óndirýshi ataǵyna ıe bolýǵa múmkindik berip otyr, - dep málimdedi QHR Ekologııa jáne qorshaǵan orta mınıstrligi ıAdrolyq energetıka qaýipsizdigin qadaǵalaý departamentiniń dırektory Hoý Indýn.

Memlekettik energetıka basqarmasynyń málimetinshe, Qytaıdyń jel jáne fotoelektr stantsııalarynyń ornatylǵan qýaty 2025 jyldyń naýryz aıynda 1 mlrd 482 mln kılovatqa jetip, tarıhta alǵash ret jylý elektr stantsııalarynyń qýattylyǵynan asyp tústi.

Qytaı bıligi ekonomıkany dekarbonızatsııalaý áreketterin kúsheıtkendikten, elde sońǵy jyldary energetıkanyń jańa damýynyń qarqyndy ósýin baıqalyp otyr.

Aıta keteıik, Qytaı Panama kanalyndaǵy porttardyń satylýyna tekserý júrgizýdi talap etip otyr.