Qytaı 15 qarashadan bastap EO brendıine qarsy antıdempıng sharalaryn engizedi
ASTANA.KAZINFORM - QHR saýda mınıstrligi 15 qarashadan bastap Eýropalyq Odaq (EO) brendıine qarsy ýaqytsha antıdempıng sharalaryn engizbekshi. Bul týraly Qytaı saýda mınıstrliginiń saıty habarlady.
Vedomstvo málimdemesinde tıisti tergeý nátıjeleri boıynsha EO-da óndirilgen brendıdi ımporttaý kezinde dempıngtiń oryn alǵany aıtylǵan. Osyǵan baılanysty bul alkogoldi sýsynnyń qytaılyq óndirýshileri aıtarlyqtaı zııan keltirý qaýpine ushyraıdy.
2024 jyldyń 15 qarashasynan bastap EO brendı ımporttaýshy kompanııalary 30,6%-dan 39%-ǵa deıingi dempıngtik marja negizinde depozıt tóleýi kerek. Bul sharalar kólemi 200 lıtrden kem ydystardaǵy júzim negizindegi spırtti sýsyndarǵa qatysty.
Esterińizge sala keteıik, Qytaı 2024 jyldyń qańtarynda Eýropalyq Odaqtan keletin brendıge qarsy antıdempıngke tergeýdi bastaǵan bolatyn.
Biz buǵan deıin EO Qytaıdan keletin elektromobılderge sońǵy ımporttyq baj salyǵyn salǵanyn, sonymen qatar Temu platformasyna qatysty tergeý júrgizetinin jazǵanbyz.
