Kitap kýltin tiriltetin kez jetti - Dıdar Amantaı

NUR-SULTAN. QazAqparat - Ulttyq mýzeıde ótip jatqan Eýrazııa astanalary qalamgerleriniń forýmynda «Álem ádebıetindegi stıl tarıhy» atty baıandama oqyǵan jazýshy Dıdar Amantaı kitap kýltin tiriltý úshin memleketten qoldaý kerektigin aıtty, dep habarlaıdy QazAqparat tilshisi.

«Meniń oıymsha stıl men estetıka shyǵarmanyń ózin qutqarsa da, kitapty qutqaraı almaıtyn kezge keldik. Kitapty qutqarýy úshin kitap kýltin qaıtadan qalpyna keltirýimiz kerek. ıAǵnı, kitap nasıhaty memlekettik deńgeıde júrgizilýi tıis.. Osy kezde ǵana kitapqa degen qyzyǵýshylyq oıanady», - dedi jazýshy.

Eske salsaq, búgin Nur-Sultan qalasynda Eýrazııa astanalary qalamgerleriniń forýmy ótip jatyr.

Osy forým aıasynda tanymal ıspandyq aqyn Hýnte Horhe Padronmen Abaıdyń 100 óleńin aýdarý týraly kelisimshart jasaldy.