Qysqy Olımpıada aldynda qytaılyq robot shamamen 100 shaqyrym jol júrdi

ASTANA. KAZINFORM — Qytaılyq kompanııa G1 robotynyń tózimdiligin synaý úshin ony qatty sýyqqa shyǵardy. Ol qarly alqapty oıdaǵydaı eńserdi, dep habarlaıdy Cnevpost.com.

Robot 2026 jylǵy qysqy Olımpıada oıyndary aldynda -47°C temperatýrada 130 000 qadamdy (shamamen 100 km) júrip ótti. Ol qarly alqapqa uzyndyǵy 186 metr jáne eni 100 metr bolatyn Olımpıada oıyndarynyń emblemasyn saldy.

Óndirýshiler robottyń tózimdiligin kórsetý úshin Unitree G1 modelin Qytaıdyń soltústik-batys bóliginde ornalasqan Altaı aımaǵyndaǵy keńistikke jiberdi. Robotqa qardan qorǵaıtyn kúrteshe men aıaq kıim sııaqty paket kıgizdi.

Óndirýshilerdiń aıtýynsha, bul adam tártizdi robottyń óte tómen temperatýrada alǵash júrýi. 

Qytaıdyń Beidou spýtnıktik júıesi naqty ýaqyt rejıminde santımetrlik dáldikpen navıgatsııany qamtamasyz etti. Sondaı-aq onyń adaptıvti traektorııany josparlaý múmkindikteri bul máseleni sheshýge kómektesti.

Aıta keteıik, Qytaıdyń adam beınesindegi robottary álemdik naryqty jaýlaı bastady. Robot óndirý salasyndaǵy jetekshi kompanııalardyń biri Unitree Robotics ótken jyly mundaı robottardyń naqty sany 5 500 danadan asqanyn jarııalady. Al serııalyq óndiris kólemi 6 500 birlikten kóp boldy.