Qysqy Olımpıada-2026: Hokkeıden Qazaqstan quramasynyń irikteý satysyndaǵy qarsylastary anyqtaldy

ASTANA. KAZINFORM - Shaıbaly hokkeıden Qazaqstan quramasynyń 2026 jylǵy Qysqy Olımpıada irikteý satysyndaǵy qarsylastary belgili boldy. 

Halyqaralyq hokkeı federatsııasy olımpıadalyq irikteý satysyndaǵy barlyq topta synǵa túsetin quramalar tizimin jarııalady.

Qazaqstandyq hokkeıshiler D tobynda Slovakııa, Avstrııa jáne Vengrııamen 2026 jyly Italııada ótetin Qysqy Olımpıadaǵa beriletin joldamany sarapqa salady. Oıyndar 2024 jyldyń 29 tamyz jáne 1 qyrkúıegi aralyǵynda Slovakııa astanasy Bratıslava qalasynda ótkiziledi.

Al E tobynda Latvııa, Frantsııa, Slovenııa jáne Ýkraına synǵa tússe, F tobynda Danııa, Norvegııa, Ulybrıtanııa jáne Japonııa oınaıdy.

Shaıbaly hokkeıden Qazaqstan quramasy eki márte Olımpıada oıyndarynda baq synady. 1998 jyly - 8, 2006 jyly - 9 orynǵa taban tireledi. Qalǵan jyldarda irikteý satysynan asa alǵan joq.

2026 jylǵy Qysqy Olımpıada 6-22 aqpan aralyǵynda Italııanyń Mılan jáne Kortına-d’Ampetstso qalalarynda bolady.

Eske salsaq, budan buryn Qazaqstan 2028 jylǵy hokkeıden álem chempıonatyn ótkizýge ótinim berdi.