Qysqy Býrabaı teńdessiz ásem tabıǵatymen kóz tartady
«Qazaqstannyń Shveıtsarııasy» - Býrabaıdyń tumsa tabıǵatyn tamashalap, saf aýasyn jutqan el bul jerdi osylaı ataıdy.
Shýaqty jazda da, qytymyr qysta da bul kóztartar mekenge keletin týrısterdiń qarasy bir úzilmeıdi. Aqmola oblysyndaǵy týrıstik maýsym resmı túrde jazdyń aıaqtalýymen jabylady. Alaıda, bul qysta tolyq tynyshtyq ornaıdy degendi bildirmeıdi. Býrabaı qysta da kórkem. Qar jamylǵan sulý ólkeniń keremetin sózben aıtyp jetkizý múmkin emes.
Kazinform qysqy Býrabaı kórinisinen fotoreportaj usynady.
Kóptegen týrıster Şýche-Býrabaı kýrorttyq aımaǵyna jyldyń dál osy ýaqytynda tabıǵattyń qysqy sulýlyǵynan lázzat alý jáne sýyq mezgilde qaraǵaıdyń sergitetin aýasymen tynys alý úshin keledi.
Býrabaı tabıǵaty kóz tartar sulýlyǵymen qatar aýasynyń tazalyǵymen tartymdy.
Bıik taýlar, kógildir kólder, qaraǵaı men qaıyń aǵashtary ólkeniń sánin kirgizedi.
Budan buryn Býrabaı kýrortynda qysqy maýsym ashylǵanyn jazǵan edik.
